Dag og Tid-quizen 31. oktober 2025

1. Kva synleg og omdiskutert opposisjonspolitikar i Venezuela får Nobels fredspris i 2025?

2. Kva nemning skal inn i Edvard Grieg-titlane Peer Gynt-(…) nr. 1 og Peer Gynt-(…) nr. 2?

3. Kva slags hund (bruksområde) er nederlandske schapendoes, som namnet tilseier?

4. Kva sympatisk NRK-program (2024–) viser ein funksjonsvariert gjeng spørje kjende gjester om absolutt kva som helst?

5. Høgskulen på Vestlandet har, frå sør til nord, campusane Haugesund, Stord, Bergen, Sogndal og ...

6. Eit havområde og ei kontinentalplate, båe mellom Sør-Amerika og Antarktika, har namn etter det same ekspedisjonsskipet frå tidleg 1900-tal. Kva heiter skipet?

7. I ei kjend scene i Hjortejegeren må karakterane til Robert De Niro og Christopher Walken delta i kva potensielt dødeleg spel?

8. Kven manglar i denne kronologiske rekkja av store norske avlidne pennar i 2025: Dag Solstad, Ingvar Ambjørnsen, Tor Åge Bringsværd, (…), Roy Jacobsen, Henning Hagerup?

9. Kva på ein grønlandskval er kraftig bogeforma, med rundt 600 bardar?

10. Kva ministerpost hadde Winston Churchill fram til 1915, då han gjekk av etter Gallipoli-felttoget?

11. Kva tyder canuck? Ishockeylagnamnet Vancouver Canucks kan vere eit hint.

12. Kva heiter Noregs fremste kreftsjukehus, i dag ein del av Oslo universitetssjukehus? Det ligg på Ullern.

13. Seks smalahove rekk normalt til kor mange personar rundt middagsbordet?

14. Luvsansharavyn Tsend – olympisk flaggberar i både 1964, 1968 og 1972 – er rekna som den viktigaste skeiseløparen frå kva stort land?

15. Kva musikar (1958–2016) hadde det fulle namnet (…) Rogers Nelson?

16. Kva for eit museum opplevde i oktober tragedien at åtte av dei franske kronjuvelane vart stolne?

17. Kva er omgrepet for kunstmotivet Jesus med tornekrone før krossfestinga? Svaret er Pontius Pilatus’ ord «Sjå det mennesket!» på latin.

18. I kva år – som sluttar på 4 – vart norske Elise Sem den første kvinnelege advokaten i Europa?

19. Utanfor kva by ligg Saltstraumen?

20. Atenismen, innført av faraoen Akhenaten på 1300-talet før Kristus, er kalla det første dokumenterte dømet på kva religiøs isme?

21. Er det allehelgensaftan eller allehelgensdag mange kristne feirar 31. oktober?