Dag og Tid-quizen 4. april 2025

1. Kva heiter diagnosen som kronprinsesse Mette-Marit stod fram med i 2018? Det er ein kronisk sjukdom der lungevev gradvis vert erstatta med bindevev.

2. På engelsk vert mange kjende måleri oppførte som oil on canvas. Kva heiter canvas på norsk?

3. Sorter dei tre store fjordane i Vestland fylke – Hardangerfjorden, Nordfjorden og Sognefjorden – frå nord til sør.

4. Muskatnøttreet gjev oss fleire krydder. Frøkjernen heiter muskatnøtt. Kva heiter frøkappa?

5. Bø-brørne har fleire felles stafettgull i OL og VM. Dei vann det første i Oslo i 2016 saman med Emil Hegle Svendsen og ein til. Kven då?

6. Kor mykje drikkevatn tilrår DSB å lagre per person? Dette er minstebehovet for ei veke. Svaret er eit rundt tal liter.

7. Kva for eit verk sluttar med det vidgjetne «Hallelujakoret»?

8. Kva engelsk empirist (1561–1626) står i kontrast til den samtidige René Descartes og rasjonalismen? Den språkmektige juristen vart òg ein stor statsmann.

9. Kva er grunnstoffet bly: metall, halvmetall eller ikkje-metall?

10. Kven vart i 2004 den første som fekk Nobels fredspris i hovudsak for miljøarbeid? Stikkordet er treplanting.

11. Kva nynorsk verb for «å velje» heiter kys i presens og kaus i preteritum?

12. Kva heiter den norsk-palestinske filmen som i år fekk Oscar for beste dokumentarfilm?

13. Thorvald Stoltenberg bygde relasjonar til mang ein storpolitikar ved å invitere til kva slags måltid?

14. Albuma London Calling av The Clash, Off the Wall av Michael Jackson og The Wall av Pink Floyd kom alle i kva oddetalsår?

15. Namnet persarriket viser helst til kva for eit rike frå 500-talet til 300-talet før Kristus? Det var dette riket grekarane slost mot under persarkrigane.

16. Kva vart Pete Conrad den tredje personen til å gjere? Han sa: «Whoopee! Man, that may have been a small one for Neil, but that’s a long one for me.»

17. I kva by kjem kvalitetsavisa Süddeutsche Zeitung ut?

18. Det første vinter-OL i 1924 hadde éi øving i bobsleigh. I gullboben sat fire sveitsarar, i sølvboben fire britar. Kven sat i bronseboben (tal og nasjonalitet)? Dei tok landets einaste medalje i leikane.

19. Kven giftar seg med Karoline, ein bjørkekvist av dei sjeldne?

20. Kva ikkje anerkjend stat ligg stort sett «på andre sida av elva Dnister», slik namnet tilseier?

21. Kva for eit overkroppsplagg har sin eigen festival i byen Catamarca i Argentina?