Huisgenoot-verjaardagvasvra: Wat weet jý van 20 Mei?

Die eerste Huisgenoot het op 20 Mei 1916 verskyn. Wat was destyds die tydskrif se naam?

Die eerste Europeër ooit het in 1498 daarin geslaag om om die suidpunt van Afrika tot by Indië te seil en het op 20 Mei in die stad Kozhikode aangekom. Wat was sy naam?

Daar is drie keer op 20 Mei lugvaartgeskiedenis gemaak. Watter gebeurtenis hieronder het egter NIE op 20 Mei plaasgevind nie?

Seker die bekendste ruimteteleskoop nog het op 20 Mei 1990 sy eerste foto’s Aarde toe gestuur. Wat is die naam van dié teleskoop, wat steeds in die ruimte doenig is?

20 Mei 1983 word as een van die bloedigste dae in die onlangse Suid-Afrikaanse geskiedenis onthou, toe 19 mense dood en 27 beseer is nadat ’n kragtige motorbom in Pretoria ontplof het. In watter Pretoriase straat het die ontploffing plaasgevind?

Die sangeres en aktrise Cher verjaar saam met Huisgenoot en is vandag 71 jaar oud. Sy het in 1988 ’n Oscar as beste aktrise gewen – vir watter fliek?

Die eerste gevangenes het op 20 Mei 1940 by ’n berugte nuwe Nazi-konsentrasiekamp aangekom. Wat is die naam van die kamp?

€™n Kledingstuk wat vandag nog gewild is, is op 20 Mei 1873 gepatenteer. Watter kledingstuk is dit?

€™n Ander produk wat ons ook vandag nog gebruik, is op 20 Mei 1830 gepatenteer. Wat was dit?

€™n Liedjie wat vandag nog gewild is, Rock Around the ..., is op 20 Mei 1954 deur Bill Haley & The Comets uitgereik.

€™n Bekende Britse fietsryer wat in Kenia en Suid-Afrika grootgeword het, is op 20 Mei 1985 gebore. Sy naam is Chris, wat is sy van?

Ons bly by fietsry: die sangeres Sheryl Crow het op 20 Mei 2005 haar verhouding met ’n bekende en later berugte fietsryer verbreek. Wie was dit?

Op 20 Mei 1884 het Dinuzulu op 16 jaar oud sy bekende pa as koning van die Zoeloes opgevolg. Wat was sy pa se naam?

Op 20 Mei 1983 het die eerste artikel oor die ontdekking van ’n gevaarlike nuwe virus wat die wêreld op hol gehad het, in die tydskrif Science verskyn. Watter virus is dit?

Die bekende Italiaanse ontdekkingsreisiger Christophorus . . . Is op 20 Mei 1506 in Spanje as ’n brandarm man oorlede.

Op 20 Mei 1899 het ene Jacob German van New York die eerste motorbestuurder in die wêreld geword wat weens ’n spoedoortreding in hegtenis geneem is. Watter spoedbeperking het hy oortree?

Die legendariese sanger Frank Sinatra is op 20 Mei 1998 begrawe. Watter liedjie hieronder het hy bekend gemaak?

Wie was op 20 Mei 1916 op die voorblad van De Huisgenoot se eerste uitgawe?