Quiz 5. mai 2023

1. Kva engelsk ord har islendingane avløyst med det flotte alternativet mjólkurhristingur?

2. Kva slåbrokliknande habitt er å rekne som Japans nasjonaldrakt?

3. Kor mange deltakarar hadde dei fyrste moderne olympiske leikane i 1896?

4. Dette folket lever særleg i Tyrkia, Syria, Irak og Iran. Dei vert ofte kalla verdas største etniske gruppe utan eigen stat.

5. Nordkapplatået er på Magerøya, som sjølv ligg rett utanfor ei av dei store halvøyane i Finnmark. Kva halvøy?

6. Kva heiter den einaste viltlevande bjørnearten i Fastlands-Noreg, med namn etter ein farge?

7. Denne statsvitaren har vore tilsett hos Nupi sidan 2003, som seniorforskar sidan 2014. Ho er særleg kjend for å analysere Russland, noko ho får Fritt Ords Pris 2023 for. Kva er namnet hennar?

8. Kristusstatuen i Rio de Janeiro har armane ...

9. Me har to knoklar i underarmen. Kva heiter den på tommelfingersida?

10. Kva heiter den kjende teikneserien til Bill Watterson, om ein gut og kosedyret hans?

11. I kva for eit år var hijra, profeten Muhammeds utvandring frå Mekka til Medina? Dette er utgangspunktet for islamsk tidsrekning. Hint: Dei to siste siffera er like.

12. Kva for eit land hadde statsministerskifte sist gong i 2019 då Kyriakos Mitsotakis tok over etter Alexis Tsipras?

13. Den 23. juni 1994 var det Italia–Noreg i fotball-VM for menn. Då vart Gianluca Pagliuca den fyrste målvakta i meisterskapens historie til å oppleve kva?

14. Kva heiter Sveriges største innsjø?

15. Harry Belafonte er død, 96 år gamal. Kva heiter albumet han slo gjennom med i 1956, med same namn som sjangeren han er kjend for?

16. Kva norsk by var mest knytt til Hansaforbundet, jamvel om han ikkje var hansaby, men såkalla kontor?

17. Kva lov seier fylgjande: «når ein lekam verker på ein annan lekam med ei kraft, vil den andre lekamen verke tilbake på den første med ei like stor kraft i motsett retning»?

18. Er det gratis å få mekling i Konfliktrådet?

19. Kva fiktiv figur har opp gjennom vorte spelt av til dømes Margaret Rutherford, Julia McKenzie og Joan Hickson?

20. Kva akkord høver til å starte og avslutte songen «Bjørnen sover» dersom du vil alternere med A eller A7 undervegs?

21. Kva heiter symbolet som Norges Husflidslag har i logoen sin?