Dag og Tid-quizen 17. november 2023

1. Det er november og fokus på mannshelse. Kva kreftform oppstår vanlegvis som ein smertefri, einsidig kul som pasienten oppdagar sjølv? I 2021 var det 295 norske tilfelle og 6 dødsfall.

2. Bama nemner fire fargar på stikkelsbær: gul, raud, lilla og kva fjerde farge?

3. Kva heiter hovudcampusen til Universitetet i Oslo, der dei fleste fakulteta held til?

4. Kva litterær detektiv er lokalavisredaktør i den fiktive byen Småköping, eller Byköping på originalspråket?

5. Kva for eit mannsnamn kjem av eit norrønt ord som tyder «gjerde» eller «vern»? Namnet kan vere suffiks etter til dømes ski- og stein-.

6. Kva heiter det historiske landskapet omkring det øvre og mellomste løpet til elva Oder? Det er mest i Polen, men òg i Tsjekkia og Tyskland.

7. Kva litteraturpris har éin vinnar kvart år, røysta fram av alle som arbeider i norske bokbutikkar?

8. Kor mange månader er drekta hos kaninar?

9. Kva heiter Noregs nye kunnskapsminister? Ho var Stavanger-ordførar og har no teke til ordet for mobilfri skule.

10. Kva for eit måleri med mykje blått syner utsikta frå eit asylvindauge i Saint-Rémy i Frankrike? Det er frå 1889, året før kunstnaren døydde.

11. Kva vidgjeten person vart fødd 18. juli 1918 i landsbyen Mvezo nær byen Umtata og fekk fornamnet Rolihlahla?

12. Kva var ein hukkert, som var av nederlandsk opphav og vanleg i Skandinavia på 1700-talet?

13. Kva for fem år var storleikstida til musikksjangeren rockabilly, slik Store norske leksikon avgrensar ho?

14. Kva vesttysk skøyteløpar vann OL-gull på 500 meter i 1968 og 1972? Han heldt verdsrekorden på distansen ved fleire høve.

15. Kva var Sara i Bibelen då ho vart mor til Isak: ung, middelaldrande eller gamal?

16. Johann Sebastian Bach skal visstnok ha komponert Goldbergvariasjonene til grev Keyserling fordi sistnemnde leid av kva?

17. Kva amerikansk filmkomedieserie (1984–1994) har som utgangspunkt at ein naudetat rekrutterer alle som har lyst?

18. Olav Nygard døydde 39 år gamal, men vert rekna som ein stor mellomkrigslyrikar. Kven eller kva er det som reiser seg, ifylgje tittelen på det mest kjende diktet?

19. Skodespelar Hanne Dahle gav liv til ein gul barne-TV-figur som deler namn med ein gresk bokstav. Kven då?

20. Kva for eit mineral er ametyst ein varietet av?

21. Byen Rafah gjev namn til den einaste grenseovergangen mellom Gaza og kva for eit land?