Huisgenoot-nuusvasvra: 27 November - 3 Desember 2018

Hoekom kom die hertogin van Cambridge en Sussex glo nie so goed met mekaar klaar nie?

Wyle Bles Bridges het die derde kunstenaar geword wat by die SA Heldesaal in Sun City ingesluit is. Wie is die ander twee?

Watter wêreldleier het in ’n twiet aan die Suid-Afrikaanse komediant Trevor Noah 50 miljoen dollar vir opvoeding beloof?

Banyana Banyana, die nasionale vrouesokkerspan, het tot die eindstryd om die Afrikabeker deurgedring maar toe teen . . . verloor.

Watter voormalige Amerikaanse president is verlede week oorlede?

Chinese navorsers is skerp gekritiseer nadat hulle die eerste . . .

Op watter bekende vakansiedorp is vakansiegangers gewaarsku om nie in die besmette rivier te swem of vis te vang nie?

Wat is die naam van Patricia de Lille se nuwe party?

Watter belangrike beraad waarby Suid-Afrika ook betrokke was, is pas in Buenos Aires, Argentinië, gehou?

Watter aktrise het vandeesweek op sosiale media laat blyk dat sy in geldnood is?

Wie het vir die Zondo-kommissie oor staatskaping gesê: “Ek soek my land terug”?

Oor watter bekende skool het die departement van onderwys ten volle beheer geneem in ’n poging om ’n einde te maak aan ’n voortslepende vete tussen die hoof en beheerliggaam?

Wie is die mooiste man in Suid-Afrika, soos verkies deur lesers van Huisgenoot se sustertydskrif Sarie?