Dag og Tid-quizen 2. august 2024

1. Det vart teke ikoniske bilete av attentatet mot Donald Trump, der han blør frå kva enkelt kroppsdel?

2. Kva for eit omgrep kan me definere slik: «geografisk avgrensa variant av eit språk»?

3. I sporten padling har øvingane namn som startar med bokstaven C eller K. C tyder kano. Kva tyder K?

4. Det er mest mellom 1940 og 1970 norske jenter har fått dette fornamnet. Det kjem frå middellågtysk og kan omsetjast med «veslevenninne». Ein av dei 13.000 berarane er ein kjend artist fødd i 1947.

5. Den minste trastearten i Noreg er nasjonalfugl i Tyrkia. Kva heiter arten, med eit farga trekk i namnet?

6. Agatha Christie gav Hercule Poirot kva nasjonalitet?

7. Ein sentral del av Buddhas lære er dei fire edle sanningane. Omgrepet dukkha går igjen i alle fire. Kva for noko på l omset me gjerne dukkha med?

8. Det starta som ein salmakarverkstad i Adelaide i 1856. Kva heiter dette australske bilmerket, som tok slutt i 2020?

9. Kva er den einaste ingrediensen som manglar til hollandéssausen dersom du har smør, sitronsaft, salt og pepar?

10. Kautokeino grenser i nordaust til kva annan stor Finnmark-kommune?

11. Kva politisk isme høyrer heime i eitt land og har namn etter han som var president i fleire tidsrom mellom 1946 og 1974? Dei to siste konene hans var òg sentrale figurar. Det er ikkje lett å plassere ismen til venstre eller høgre, men populisme er eit stikkord.

12. Bibelen fortel at fire menn bar ein lam mann til Jesus. Kva del av huset laga dei opning i for å nå fram i trengselen?

13. Kva grovt ullstoff har namn etter ei elv i England og Skottland?

14. Kva var fødebyen til den franske forfattaren Marguerite Duras? Livet og forfattarskapen var prega av oppveksten her. Byen er den mest folkerike i landet sitt.

15. Har etanol høgare eller lågare kokepunkt enn vatn?

16. Kven komponerte operaen Spardame, uroppført i 1890?

17. Ein verdsrekord frå 1987 av ein bulgarar vart slått i 2024 av ein ukrainar. Kva friidrettsøving og kjønn er det tale om?

18. Tre av delstatane i USA startar på bokstaven O. Kva for ein av dei ligg på vestkysten?

19. Kor mange budde det i Noreg ifølgje den første fullstendige folketeljinga i 1769?

20. Kva er den vitale statusen til prins Claus, ektemannen til tidlegare dronning Beatrix av Nederland?

21. Kva hovudperson med fedora og pisk møtte me første gong i filmen Raiders of the Lost Ark (1981)?