Dag og Tid-quizen 11. oktober 2024

1. Kva islamistrørsle var Hassan Nasrallah med på å grunnleggje i 1982? Han var generalsekretær frå 1992 til han vart drepen i eit luftåtak 27. september.

2. I kva for eit verdshav ligg Madagaskar?

3. Kva for to månader utgjer hummarfiskesesongen i Noreg? Nord for Vestland kan du fiske den neste månaden òg.

4. Stortinget vedtok unionsoppløysinga med Sverige 7. juni, og Oskar 2. sa frå seg trona 26. oktober. Kva var året?

5. «Le Violon d’Ingres» av Man Ray held rekorden som verdas dyraste … kva?

6. Kva verdsleiande fiolinist er fødd i 1978 og slo gjennom nasjonalt med Concertgebouw-orkesteret i 1997? Ho opptrer som solist og har òg grunnlagt Den internasjonale kammermusikkfestivalen i Utrecht.

7. Tottenham Hotspur er best kjend i kombinasjonen kvit og kva annan farge? Presiser lys eller mørk.

8. Kva Innlandet-kommune med bindestrek i namnet har Koppang som administrasjonssenter?

9. Euterpe precatoria er eit av dei vanlegaste trea i Amazonas-regnskogen. Kva familie høyrer det til? Quizmeisteren finn ikkje noko norsk namn på arten, berre på familien.

10. Kva for eit ord på k viser til frukt, til dømes bær, kokt med sukker og vatn, brukt som dessert? Ein har ofte i stivelse i form av potetmjøl.

11. Kva folkekjær brite (1934–2024) vann Oscarprisen to gonger? I Noreg er ho best kjend frå Harry Potter og Downton Abbey.

12. Kva sjølvstyrt område i Norden vart demilitarisert i 1856 og har ikkje allmenn verneplikt for dei 30.000 innbyggjarane?

13. Kva slags kjerne er bygd opp av minst eitt proton og eventuelle nøytron?

14. Ein interessert pave følgde i 1533 ein serie forelesingar om det kopernikanske verdsbiletet. Ti år seinare fekk etterfølgjaren honnør i hovudverket til Kopernikus. Kva for to pavar er det tale om?

15. Kva heiter erstatningsord for ord ein reknar som farlege å nemne? Til dømes «gråbein» for ulv. Svaret kjem ikkje av ein bibelsk figur, men frå polynesisk.

16. Kva for tre sider på ein vanleg terning har ein prikk i midten?

17. Kva, som høyrer til «kategori 4», finst mellom anna i variantane Erfjord, Frafjord, Løland, Bjerkreim, Jelsa, Bokn og Tjelmeland?

18. Kva oslomann grunnla eit bilimportfirma i 1901 som framleis ber namnet hans?

19. Kva bygning som ikkje finst lenger, var det jødane tok tilbake rundt 164 før Kristus og innvigde på nytt? Lysfesten hanukka er til minne om dette.

20. I 1972 vart Sigrun Krokvik den første som vann kva pris? Ho fekk han for Bortreist på ubestemt tid.

21. Fullfør songtittelen kjend frå filmen Vi gifter oss og TV-serien Fredrikssons fabrikk: «Hva var vel livet …».