Dag og Tid-quizen 6. september 2024

1. Dei paralympiske sommarleikane har 22 sportar, slik IPC tel dei. Fire har namn som startar med kva for eit ord? Det står framfor -basketball, -fekting, -rugby og -tennis.

2. Kva religiøst omgrep kjem av «fri hals», å ikkje vere slave meir?

3. Du søkjer asyl eller opphald i Noreg, men får avslag. Kva heiter organet du kan klage til, der Marianne Jakobsen er direktør?

4. Den norske rocketrioen Hurra Torpedo er kan hende verdas første band som speler på … kva?

5. Kva norsk pris er frå 2024 kjønnsnøytral i klassane for hovudroller og biroller? I år vann Jan Gunnar Røise og Siri Forberg.

6. Er Marie Curie kjend for å ha arbeidd med radioaktivitet, radiobølgjer eller radiomerking?

7. Kven (1758–1831) vert på heimesida til Det kvite huset kalla «the last President from the Founding Fathers»?

8. Kva er Amaterasu, Helios, Inti, Ra og Surya døme på? 

9. Dei tre Østfold-kommunane ved svenskegrensa er (frå nord til sør) Marker, Aremark og ...

10. Kva er fødebyen til Georg Friedrich Händel? Han startar òg på H og kan by på både Händel-Haus og Händel-Festspiele.

11. Ein kan dele kinesiske dialektar i to hovudgrupper. Er det dei nordlege eller dei sørlege me kallar mandarin?

12. Kva for eit land markerte i år sjølvstendedagen 17. august i den kommande hovudstaden Nusantara? Byen er under oppføring på Borneo.

13. Kva heiter Noregs største kommersielle radiohus? Det omfattar fleire kanalar, til dømes P10 Country, og har namn etter ein av dei.

14. Kan traner flyge?

15. Ifølgje undertittelen er Sofies verden ein «Roman om …» kva historie?

16. Jakob Ingebrigtsen har no verdsrekorden på 3000 meter. Kva lyder han på?

17. Kor ofte vert ein biennale arrangert, til dømes Veneziabiennalen?

18. Orson Welles kalla ho «the greatest actress in the world». Ho spelte i over 100 filmar. Best kjende er rollene i nybølgjefilmar i 1950- og 1960-åra, til dømes Jules et Jim. Kva fransk skodespelar er det tale om (1928–2017)?

19. Kva heiter ei elektrisk leidning som er til å forlengje ei anna leidning med?

20. Den russiske revolusjonen skjedde i to omgangar, båe i kva for eit år?

21. Seint på dagen vel mange kaffi som er behandla med til dømes metylklorid. Kva for eit alkaloid er det løysemiddelet har teke vekk?