Dag og Tid-quizen 9. mai 2025

1. Kva del av Vatikanpalasset er staden konklavet vel ny pave?

2. Kva er kabanos, kielbasa og kaszanka døme på i Polen?

3. Brynjulf Jung Tjønn, Cathrine Sandnes, Fredrik Solvang og Nina Solheim er kjende nordmenn med kva fellesnemnar?

4. Kva for eit ord, som er med i tittelen på ein Edvard Hoem-roman, tyder «mann som deltek i høyonna»?

5. Kva farge har høvesvis tråden og kledet i hardangersaum (tradisjonelt sett)?

6. Kva norsk plante som startar med eng-, høyrer til krossblomfamilien? Dei fire kronblada er kvite, rosa eller bleikfiolette. Planta er eteleg og kan verte rundt halvmeteren høg.

7. Frå 2011 har Noreg markert 8. mai som både frigjeringsdagen og kva annan merkedag?

8. Ein av tidenes mest kontroversielle musikkpremierar var i 1913 på Théâtre des Champs-Élysées i Paris. Kva ballett vart oppført?

9. Kva heiter slangen som omkransar menneskeverda i norrøn mytologi?

10. I kva for eit år, som sluttar på 7, vart ufoar for alvor populære? Det starta med at ein pilot visstnok såg ni stykke nær Mount Rainier i delstaten Washington. Same sommaren tok Roswell-saka til, om at ein ufo skulle ha krasjlanda i New Mexico.

11. Korleis er demokratiet i dei fleste demokratiske statar: direkte eller indirekte?

12. Liverpool har no tangert Manchester United i rekorden for flest seriegull i engelsk herrefotball. Kor mange har dei kvar?

13. Fjern forbokstaven i namnet på ei stor halvøy i Trøndelag, så får du ein kommune på denne halvøya. Kva kommune?

14. Kva hortensar vart kjend for innsatsen som bustadinspektør i Oslo frå 1919 til 1945? Ho fotograferte dei elendige buforholda og knytte dette til mange sosiale problem. Fleire av søskena hennar, som Lagertha, Olaf og Hjalmar, vart òg viktige på ulike felt.

15. Kva for eit medium hadde nyss 100-årsjubileum i Noreg, sidan den første ordinære sendinga var i april 1925?

16. Dookie (1994) og American Idiot (2004) er dei viktigaste albuma til kva amerikansk rockeband?

17. Var hjulet i bruk i Induskulturen?

18. Uttrykka «brød og sirkus» og «ei sunn sjel i ein sunn lekam» er båe frå kva stor romersk satirikar? Han levde rundt år 100.

19. Dei fleste kjenner blærehalskjertelen best under det latinske namnet. Kva er det?

20. Kven vann verdscupen i skihopping sesongen 1988–89? Dette var den beste konkurransen han gjorde, men det er noko anna som gjer han idrettshistorisk.

21. Kva slags attraksjon i Cochabamba i Bolivia ragar om lag 40 meter i vêret? Det er så vidt høgare enn den i Rio de Janeiro.