Dag og Tid-quizen 29. september 2023

1. Me opnar med anagrammet sylvtube og skal fram til eit dialektord for piggsvin. Kva er ordet?

2. Kva heiter sundet mellom Atlanterhavet og Middelhavet?

3. Kva heiter verket til Sergej Prokofjev frå 1936 som er eit «symfonisk eventyr for barn»? Forteljarstemma og orkesteret utfyller kvarandre.

4. Kva er i strikking det motsette omgrepet av rett?

5. Kva stor norsk avis er eigd av Aller Media og har fått Frode Hansen som ny sjefredaktør i 2023?

6. Alle sulfid inneheld kva for eit grunnstoff?

7. I kva for eit oddetalsår gav Henrik Ibsen ut Peer Gynt? Det var året etter Brand.

8. Er den kinesiske muren éin samanhengande mur?

9. Kva for eit adjektiv i medisin tyder «som er kjenneteikna av at det kjem sår forårsaka av sjukdom og ikkje ytre skade»? Ordet inngår i namnet på ein tarmsjukdom.

10. Kva for eit særforbund i Norges idrettsforbund vart stifta i 1934 og vert forkorta til NIHF?

11. Kva foreining, stifta på Hamar i 1970, vert òg forkorta til NIHF? Ho har over 30 lokallag.

12. Kva for eit postnummer har postadressa til NRK i Bergen, nemnt mang ein gong i «Norge rundt»? Tverrsummen er 7.

13. Kva heiter læra om flagg?

14. «Skibladner», kanskje verdas eldste hjuldampar, vert kalla «Mjøsas kvite …» kva?

15. Store norske leksikon seier at «Skibladner» truleg er nest eldst, etter «Tudor Vladimirescu». Det sistnemnde skipet seglar på Donau, under flagget til kva for eit land?

16. Kva svensk artist har mellom anna albuma Blott en dag (1998) og Jul i Betlehem (1999)?

17. Kven eller kva er Caravaggio, som den italienske barokkmålaren fekk namn etter? Eitt ord held som svar.

18. Kva er statsreligionen i Malaysia, som rundt 60 prosent av innbyggjarane høyrer til?

19. Kva er dei fulle namna til syskena Borgar og Sigrun frå Ål i Hallingdal? Han er høgsterettsdommar, ho er historieprofessor ved UiT. Dei har same mellomnamn og etternamn.

20. Kva farge har omslaget på Michelinguiden (den vanlege, for restaurantar og hotell)?

21. Kva norsk statsminister vart nesten felt i ei sak der regjeringa var mistenkt for hestehandel med franske rakettar?