შეამოწმეთ, რამდენად კარგად იცნობთ ქართულ ხელოვნებას - კითხვარი ქართული სახვითი ხელოვნების მუზეუმისგან.

ამერიკელი ჟურნალისტი ჟულიან რალფი 1898 წელს გამოქვეყნებულ მოგონებებში წერდა: „რუსეთის ქალაქებში სასტუმროები არ ვარგა და შეუძლებელიც არის ვარგოდეს იქ, სადაც მოსახელეობის ყველა ფენა უწესრიგოა და დისციპლინა აკლიათ ან უთანაბროთ აქვთ. ერთადერთი მართლაც შესანიშნავი სასტუმრო (იგულისხმება საქართველო), რომელიც ჩემი მოგზაურობის დროს ვნახე, იყო სასტუმრო ..... დღეს ამ ადგილზე მდებარეობს ქართული სახვითი ხელოვნების მუზეუმი. რომელ სასტუმროზე საუბრობს ჟურნალისტი?

1928 წელს, სასტუმრო ორიანტში მოეწყო ცნობილი ქართველი მხატვრის გამოფენა. დაასახელეთ მხატვარი

დაასახელეთ სახვითი ხელოვნების ჟანრი, რომელიც ასახავს ომის, ბრძოლების, ლაშქრობების თემებს, საბრძოლო ცხოვრების ეპიზოდებს

დაასახელეთ ქალი მხატვარი, ფერმწერი, გრაფიკოსი, რომელსაც დიდი წვლილი მიუძღვის ქართული მულტიპლიკაციის განვითარებაში. მან იმუშავა ისეთ ნახატ-ფილმებზე, როგორიცაა „ხელმარჯვე ოსტატი“, „ჩხიკვთა ქორწილი“, „წუნა და წრუწუნა“, „როგორ მარხავდნენ თაგვები კატას“, „რწყილი და ჭიანჭველა“და სხვა.

მისი შემოქმედების პერიოდი ემთხვევა ქვეყანაში ე.წ. დათბობის პერიოდს, მის მხატვრობაში შეინიშნება მკაცრი სოცრეალიზმის დოგმებისგან გადახვევა და მან ფერწერას ფერის ენა დაუბრუნა, დაასახელეთ მხატვარი