Dag og Tid-quizen 12. desember 2025

1. Ein ny og avklarande FN-rapport slår fast at verdas mest folkerike by ikkje er Tokyo, men kva annan asiatisk hovudstad?

2. Kva britisk nasjonalitet skal inn i eit kallenamn på Macbeth: «det (…) stykket»?

3. Kva slags kroppsdel er attributt på mange måleri av Sankta Lucia, ofte på eit fat?

4. Kva er trivialnamnet til natriumhypokloritt, brukt til bleiking og desinfeksjon?

5. Kva «smørsyngjande» canadiar, fødd i 1975, har albumet Christmas, ofte høyrt når høgtida nærmar seg?

6. Kva mindre vanleg syltetøy får du gjerne på vaflane til Norsk Hagebruksmuseum i Grimstad? Dei har ei samling med mange titals sortar av den aktuelle planten.

7. Fargane på bogeskytingsblinken frå inst er gul, raud, blå, svart og …

8. Kva land hadde frå 1967 til 2009 presidenten Omar Bongo, han som Thorbjørn Jagland kalla «Bongo frå Kongo»?

9. Kva heiter den vanlegaste agurktypen i norske matbutikkar?

10. Kva gruppe tal manglar her i ein matematikkvits: «Det finst 10 slags menneske: dei som forstår (…), og dei som ikkje gjer det.»?

11. Kva nedlagd avis (1925–1989) var i årevis eit kjærkome talerøyr for sauehald, med den vittige sauebonden Johs. K. Ringheim ved roret?

12. Filmen The Social Network handlar om skipinga av kva for eit medium?

13. Waheguru er det vanlegaste omgrepet sikhismen brukar om …

14. I kva for åtte år før 2025 har Viking stått igjen som seriemeister i herrefotball?

15. Kva latinsk uttrykk frå diktaren Horats tyder «grip dagen»?

16. Kva for ei Alma var gift med både ein kjend komponist, arkitekten Walter Gropius og forfattaren Franz Werfel? Ho samla mange kunstnarar i heimen, men vart stogga som komponist av den første ektemannen.

17. Kva for eit dyr vert også kalla maria-fly-fly eller gullhøne?

18. Eit nytt minnesmerke i Oslo er for dei 62 norske romane som vart drepne i Auschwitz. Kva for tre etternamn går igjen hos nesten alle?

19. Kva er normalt ein passande saunatemperatur (i celsiusgrader)? Her lit me på finsk Wikipedia.

20. Kva by på Austlandet kjem ein freksting frå?

21. Kven har nyss innkassert både Bokhandlarprisen og Brageprisen for sakprosaboka Ufred?