Nuusvasvra – Week van 30 Julie

€�n Twiet deur die Wes-Kaapse premier Helen Zille het net ná die munisipale verkiesing ’n storm veroorsaak. Waaroor het sy mond uitgespoel?

Zille se twiet was in reaksie op UK-studente wat in die Cape Argus na hul universiteit as ’n “teësinnige tuiste” verwys het. "If this woke bunch hate being UCT students so much, please help them out of their misery and withdraw their funding," het sy getwiet.

Waar in Suid-Afrika is daar ’n ski-oord wat vandeesweek onbereikbaar was weens te veel sneeu?

Tiffindell is die enigste ski-oord in Suid-Afrika. Dit lê naby Rhodes in die Oos-Kaap in die suidelike Drakensberge.

Wat het die sanger Justin Bieber vir die akteur Zac Efron gesê toe hy by hom gaan kuier het?

Zac was glo stomgeslaan toe Justin hom aansê om sy rolle versigtiger te kies, maar het die raad nie te ernstig opgeneem nie.

Die krieketster Graeme Smith en sy meisie, Romy Lanfranchi, het aangekondig hul eerste baba word vroeg in 2017 gebore. Hoeveel kinders gaan hulle saam-saam hê wanneer die nuwe baba opdaag?

Graeme het ’n seuntjie en dogtertjie en Romy het twee seuntjies. As die nuwe baba gebore word, het hulle altesaam dus vyf kinders.

Wie is op die oomblik die rykste mens in Suid-Afrika?

Dit was voorheen Nicky Oppenheimer, maar Christo het hom verbygesteek nadat die pond weens Brexit soveel waarde verloor het. Johann is derde.

Watter bekende tandskoonmaak-roetine is volgens die Amerikaanse Tandheelkundige Vereniging nie so doeltreffend soos altyd gemeen is nie?

Die tandheelkundiges het erken daar is geen bewys hoegenaamd dat vlos goed vir jou tande is nie.

Watter bekende Afrikaanse boek gaan binnekort verfilm word?

Kamphoer, die verhaal van ’n meisie wat tydens die Anglo-Boereoorlog verkrag word en jare later een van haar aanvallers moet versorg, word verfilm deur dieselfde span wat Dis Ek, Anna verfilm het. Charlené Bouwer sal in die hoofrol wees.

Watter Hollywood-akteur is op die oomblik in Namibië?

Tom Cruise werk tans aan die fliek The Mummy in die Namib. (Russell Crowe sal ook in die fliek te sien wees.)

Hoe gaan pres. Jacob Zuma die R7,8 miljoen terugbetaal wat hy vir die opknapping van Nkandla skuld?

Zuma gaan sy skuld betaal met die hulp van ’n lening van VBS Mutual Bank (die ou Venda-bouvereniging).

Wie het die SA vlag by die openingseremonie van die Olimpiese Spele in Rio de Janeiro gedra?

Wayde van Niekerk, wêreldkampioen in die 400 m, het die SA span gelei.

€�n Emirates-vlug het Woensdag ’n gevaarlike noodlanding in Doebai uitgevoer terwyl die Boeing 767 aan die brand was. Waaroor is die passasiers gekritiseer?

Terwyl die vliegtuig gebrand en rook die kajuit gevul het, het baie passasiers steeds eers hul bagasie uitgehaal (en so die ontsnappingspad versper) voor hulle die vliegtuig verlaat het. Gelukkig is al die passasiers uiteindelik veilig ontruim.

Watter party het vandeesweek die munisipale verkiesing in Nkandla gewen?

Pres. Jacob Zuma sal voortaan moet woon in ’n kiesafdeling wat deur die opposisie beheer word, want die Inkatha-Vryheidsparty het die afdeling by die ANC weggeraap.

Met watter bekende internasionale handelsmerk wil die rapper Kanye West nou op kreatiewe vlak saamwerk?

Kanye West skimp al lank dat hy met Ikea wil saamwerk. Maar terwyl die Sweedse maatskappy hom nog nie ’n jop aangebied het nie, geniet sosiale media die storie gate uit met skreeusnaakse idees vir meubelstukke wat Kanye kan ontwerp, soos ’n stoel met twee sitplekke om mev. West se gul sitvlak te akkommodeer.

Hoekom het Donald Trump ’n baba by ’n Republikeinse byeenkoms uitgeskop?

€�Get that baby out of here,” het Donald ’n ma beveel nadat haar baba by ’n Republikeinse saamtrek begin huil het – en so ’n klomp Amerikaanse ma’s die duiwel in gemaak.

Watter glanssjef open binnekort ’n restaurant in Johannesburg?

Jamie Oliver se restaurant Jamie’s Italian maak sy deure in September in Melrose Arch oop.