Dag og Tid-quizen 11. juli 2025

1. Kva lov fekk 1. juli inn leddet me kallar samtykkelova? Det er i paragraf 291.

2. Klabbe, knatre, krøkle, kvisle. Kva for eit av desse orda er namn på ein fiskeart?

3. Både Russland, Belarus og Ukraina skriv historia si tilbake til Kyivriket. Det hadde størst utbreiing og makt i første halvdelen av kva hundreår?

4. Jakob i barnebøkene til Kari Stai er ja-menneske. Kva heiter vennen som er motsett?

5. Kva gamal eining på drygt 7400 meter må ikkje forvekslast med nautisk mil?

6. Kva for eit ord kan tyde drikking, men òg fryd, som i uttrykket «ein sann (…)»?

7. Kva heiter det nasjonale flyselskapet i Polen? Det held å svare med kortforma, som òg er namn på ein bibelsk figur.

8. Noregs einaste nobelprisvinnar i fysikk døydde i juni, 96 år gamal. Kva heiter totningen som gjorde amerikanar av seg og fekk prisen i 1973? Det var for arbeid med tunneleffekt i superleiarar.

9. Kva folkerik by er hovudstad i Peru?

10. Kva bragd klarte amerikanske Valerie Brisco-Hooks som første person i eitt og same sommar-OL? Det var i 1984. Berre to andre personar har fått det til, Marie-José Pérec og Michael Johnson, båe i 1996.

11. Kva bergart kjem i geografiske variantar som alta(...), oppdal(...) og otta(...)?

12. I 2010 hadde Wig Wam gleda av å varme opp for eit band dei er inspirerte av, også visuelt. Kva New York-band?

13. Karri kan vere ei blanding av heile tretti ulike … kva?

14. Kor mange lag er med i årets fotball-EM for kvinner? Slik var det også dei to førre gongene (2017 og 2022).

15. Kva symfoni frå 1942, ein krigsprotest, vart seinare tileigna barndomsvenen Audun Lavik, avretta på Trandum i 1944?

16. Kva bjørkeart, som finst både over og under tregrensa i Noreg, er ein busk, sjeldan over meteren høg?

17. Kva forfattar i verdslitteraturen vart fødd 22. januar 1849 i Stockholm?

18. Krokodillen i Lacoste-logoen har i hovudsak kva farge?

19. Denne regissøren er ein av dei største i tysk film. Debuten kom med Katharina Blums tapte ære (1975). Der hadde ho manus og regi saman med den dåverande ektemannen Volker Schlöndorff. Kva er namnet?

20. Fullfør sitatet ved inngangen og utgangen av «Roseslottet» i Oslo: «Den som søv i eit demokrati, vaknar opp i eit (…)!»

21. Kva valuta er ein av dei tryggaste sjølv om heimlandet har verdas høgaste statsgjeld? Summen tilsvarar svimlande 300.000 milliardar kroner og vel så det.