Dag og Tid-quizen 12. juli 2024

1. I juni smelte The New York Times til på leiarplass. Kva 81-åring skal inn i tittelen: «To Serve His Country, (…) Should Leave the Race»?

2. Kva for eit kort er det to av i ein kortstokk med 54 kort?

3. Kva som ligg i kommunane Stad og Volda, har ein europeisk rekord på 514 meter?

4. Kva for eit omgrep er Thomas Kuhn kjend for å ha lansert i verket The Structure of Scientific Revolutions (1962)? Omgrepet handlar om fundamental endring.

5. Denne musikksjangeren er definert av både geografi og stil. To store namn er Åge Aleksandersen og D.D.E.

6. Kva for ein av desse tre påstandane om eplet i logoen til Framstegspartiet er rett: Det er grønt. Det er teke ein bit av det. Det har eit blad.

7. Kven (1924–2018) fekk ei rekkje prisar, til dømes desse fem: André Enghs gullnål, Askøy kommunes kulturpris, Folkehelseprisen, Gullrutens hederspris og Kringkastingsprisen?

8. Kva var kongeriket til Aleksander den store, som han utvida kraftig både sørover og austover?

9. Kor mange lappar er den høgre lunga delt i? Den venstre er delt i to.

10. Anne-Marie Ødegaard arbeidde lenge ved Porsgrunds Porselænsfabrik. Kva heiter teserviset frå 1957 som fekk Merket for god design? Den gongen delte serviset namn med eit land.

11. Kva britisk forfattar, kjend for fantasy, men òg for bøker om til dømes litteratur og kristendom, hadde fornamna Clive Staples?

12. Oman har fjell, sletter og ørken. Kva er det mest av, rundt 80 prosent?

13. Det gamalfranske heltediktet Rolandskvadet handlar om ein hærførar under Karl den store. Den fatale feilen til Roland er å blåse for seint i hornet sitt for å tilkalle hjelp. Kva heiter hornet?

14. Kva for eit lettmetall med atomnummer 13 vert valsa til folie som er vanleg på kjøkenet?

15. Nordsamisk, finsk og ungarsk høyrer til den same hovudgruppa i familien uralske språk. Kva hovudgruppe?

16. Den 129 år gamle mosselukta tok slutt då cellulosefabrikken M. Peterson & Søn gjekk konkurs. Det var tidleg i kva for eit tiår?

17. Kva heiter formeiringsorganet hos dei fleste bartre? Hos til dømes gran og furu er dei tørre og harde.

18. Agathe Backer Grøndahl er eit stort namn i norsk musikkhistorie, som komponist og kva slags instrumentalist?

19. Amerikanske Paul Rudd har spelt mange komedieroller. Eit døme er bipersonen Mike Hannigan, som giftar seg med kva hovudperson?

20. Det er marknadslikevekt når det er like mykje tilbod og ... kva?

21. Jonas «Grenlandsplogen» Abrahamsen har nyss vorte den første nordmannen til å få kva trøye i Tour de France?