Dag og Tid-quizen 16. februar 2024

1. Kven fekk artistnamnet sitt fordi duomakkeren og namnebroren Bjørn Morisse var eldre og større?

2. Kva heiter den avlange handreiskapen som fører vefttråd att og fram i tradisjonell veving?

3. Kva for to Oppland-kommunar bytte fylke til Viken i 2020 og vidare til Akershus i 2024?

4. Kva aggregattilstand er oksygen i ved romtemperatur?

5. Ein attraksjon ved breidda av Daugava, heiter Rigas pils på latvisk. Kva tyder pils?

6. Set desse hendingane i Gro Harlem Brundtlands politiske liv i 1981 i kronologisk rekkjefølgje: tapte stortingsvalet, vart partileiar, vart statsminister.

7. Emuen i Australia vert bortimot kor høg? Svaret er eit heilt tal i meter.

8. Kva for noko søtt og luftig heiter barbe à papa på fransk, «pappas skjegg»? Det gjev namn til barnebokfiguren Barbapappa.

9. Apropos luftig: Kva farge hadde den ikoniske kjolen til Marilyn Monroe i filmen The Seven Year Itch?

10. Kva mjølk har 3,5 prosent feitt hos Tine og 3,7 prosent hos Q?

11. Det er krig i Litteratur-Noreg om kven som skal rå over Statens kunstnarstipend. Kva heiter den unge konkurrenten som Den norske Forfatterforening ikkje vil sleppe til?

12. IBU styrer kva sport, der det er VM no om dagen?

13. I kva år som sluttar på 0 vart Anne Pedersdotter brend som heks? Ektemannen, den kjende humanisten Absalon Pedersson Beyer, døydde 15 år før.

14. Berre éin nordmann har hatt målgjevande pasning i eit fotball-EM for menn. Kva målvakt var det?

15. Kva kategori høyrer både kvinnebunad og mannsbunad frå Setesdal til?

16. Kva var spesielt med tollaren Sakkeus reint kroppsleg, ifølgje Bibelen?

17. Livet og forfattarskapen til Charles Bukowski handlar mykje om slit, alkohol, kvinner, skriving og ikkje minst kva by?

18. I kva for eit land er 91 år gamle Sirikit enkjedronning?

19. Kva italiensk-fransk astronom (1625–1712) gjorde viktige observasjonar av Jupiter og Saturn? Han oppdaga til dømes gapet mellom A-ringen og B-ringen til Saturn, som har namn etter han.

20. Kva er eit anna ord for morallære eller moralfilosofi?

21. Kva folkrockgruppe frå Trondheim vann årets Melodi Grand Prix?