Dag og Tid-quizen 20. oktober 2023

1. Åtaket på Israel 7. oktober kom tilnærma på dagen 50 år etter eit anna åtak på Israel. Kva krig tok til med det sistnemnde åtaket?

2. Gaza er mindre enn Oslo kommune. Om lag kor mange bur i Gaza?

3. Kva for eit stoff vert brote ned om hausten hos dei fleste lauvtre, som dimed får andre fargar på blada?

4. Var Eva Perón i live då musikalen Evita hadde premiere i 1978?

5. Dette ordet på k viser til ulike reiskapar som bryt opp og luftar jorda. Eit døme er ei stor moderne innretning som heng etter traktoren. Eit anna er eit handreiskap der tindane er bøygde, til luking i bedet.

6. Kva bok i Bibelen vert gjerne kalla Acts på engelsk og Acta på latin?

7. Kva amerikansk selskap med namn etter to grunnleggjarar har varemerke som Pampers, Ariel og Gillette?

8. Kva litterær skikkelse ser seg lei av å vere ektefellens «lille lerkefugl»?

9. I islam er wudu og ghusl høvesvis den vesle og den store kva?

10. Kva veke tok til i 1953 og startar normalt i Schattenberg-bakken i Oberstdorf?

11. Kva kommune i Møre og Romsdal har ei himmelretning først i namnet og ligg i traktene mellom Ålesund og Molde?

12. Kva europeisk herrefotballturnering vart arrangert frå 1960 til 1999, då han vart innlemma i Europaligaen?

13. Yngsteson til Magnus Lagabøte var norsk konge frå 1299 til han døydde i 1319 utan søner. Kva namn og nummer hadde han? Han og dronning Eufemia fekk berre dottera Ingebjørg, som var mor til den neste kongen.

14. Kva for eit kunstomgrep er definert slik i Nynorskordboka: «bilethoggararbeid som syner eit menneskehovud med øvste delen av overkroppen (utan armar)»?

15. Kva kjend historisk duo var det Matt Damon og Heath Ledger spelte ein fiksjonalisert versjon av på film i 2005?

16. Kva vart i 1811 det første frie landet i Sør-Amerika? Både Colombia og Chile erklærte seg sjølvstendige året før, men me reknar ikkje dette som fullført før nokre år seinare.

17. Om lag kor høg temperatur er det på overflata til sola, i celsius?

18. Kva heiter vanleg Tine-rømme, den med 35 prosent feitt?

19. I 2023 går Nobelprisen i medisin til to forskarar som medverka til å lage mRNA-vaksinar mot covid-19. Den eine vinnaren er amerikanske Drew Weissman. Kva heiter den ungarskfødde kollegaen hans, som vert kalla «koronavaksinens mor»?

20. Kva farge har den øvste stripa i flagget til Tyskland?

21. Kva slags plikt var det på Briskeby-trikken i «Det året det var så bratt», ifylgje Øystein Sunde?