Dag og Tid-quizen 13. oktober 2023

1. Kva for fire norske forfattarar har vorte tildelte Nobelprisen i litteratur?

2. Quizen denne veka hyllar Jon Fosse, den første litteraturvinnaren med kva for eit skriftspråk?

3. I 2023 er det eit rundt tal år sidan han debuterte med Raudt, svart. Kva var året?

4. Forfattarskapen dekkjer mange sjangrar. Kva skjønnlitterær sjanger er dei to første verka, Raudt, svart og Stengd gitar?

5. Internasjonalt er Fosse best kjend som dramatikar, Noregs største etter Ibsen. Kva heiter det første skodespelet han skreiv, inspirert av Mens vi venter på Godot?

6. Kva av desse er eit viktig stikkord for skodespela hans?

7. Kva norsk kunstmålar (1830–1902) handlar romanane Melancholia I og Melancholia II om?

8. Ei av diktsamlingane til Fosse heiter Stein til stein. Ifylgje undertittelen inneheld ho 39 dikt og éin … kva?

9. Kva for ei Cecilie gav ut Fosse-biografi i 2009 og er redaktøren hans i Samlaget?

10. Kva er oppvekststaden til Jon Fosse, der Fossehuset kom på plass i 2021?

11. Fosse bur i Grotten i Oslo, men òg dels på Frekhaug utanfor Bergen, dels i byen Hainburg. Sistnemnde ligg i heimlandet til fleire forfattarar Fosse har gjendikta, som Peter Handke og Thomas Bernhard. Kva land er det?

12. Kva slags slektning er samarbeidspartnaren Anna Fosse (f. 1986)?

13. Kva av desse finn me fleire av i bibliografien hans?

14. I eit essay frå 1989 nytta Fosse tre engelske omgrep. Han meinte litteraturen var i rørsle frå «telling», via «showing» til kva tredje uttrykksmåte?

15. Tilbake til romanar. Kva heiter det mest omfattande verket hans? Dei sju banda kan vere samla i til dømes tre fysiske bøker.

16. Kva for eit eldre namn på ein norsk by er sentralt i både Trilogien og verket i førre spørsmål?

17. I Trilogien vel hovudpersonen Asle å nytte kva for eit anna mannsnamn? Det inngår i tittelen på det andre bandet, mellom Andvake og Kveldsvævd. Det er dessutan det andre fornamnet til Jon Fosse.

18. Kva for eit teater arrangerer Fossefestivalen saman med Det Norske Samlaget?

19. Kva skodespelar med nordnorsk dialekt fekk Heddaprisen og Kritikarprisen i 2020 for rolla som Ales i Trilogien på Det Norske Teatret? Ho spelte nyleg i gjendiktinga hans Oresteia på same teater.

20. Den nemnde skodespelaren er ein av fleire som tykkjer Fosse har umiskjennelege tekstar. Kva kallar dei han?

21. Fullfør grunngjevinga for Nobelprisen i litteratur i 2023, med eit ord på u: «for hans nyskapande dramatikk og prosa som gjev stemme til det …»?