Dag og Tid-quizen 13. mars 2026

1. Kven var øvste leiar i Iran frå 1989 til han vart drepen under luftåtaka frå USA og Israel i februar?

2. Den drepne leiaren var frå den nest største byen i Iran. Kva by, nær grensa til Turkmenistan og Afghanistan?

3. Kva by, nest størst i landet sitt, husar fotballag som IFK, GAIS, Örgryte og Häcken?

4. Kva for gryter har òg øyre, ifølgje uttrykket?

5. Kva er den andre av dei små knoklane i mellomøyret? Han er mellom hammaren og stigbøyelen.

6. Sorter desse delane på hestesalen frå over til under på dyret: baksvissel, salgjord, stigbøyel.

7. Kva farge skal Marengo, den vidgjetne krigshesten til Napoleon, ha hatt?

8. I kva for eit år var det «Napoleon med sin hær over Alpene dro»? På andre sida, i dagens Italia, vann han i juni slaget ved Marengo, som hesten fekk namn etter.

9. Apropos Italia: Kva er desse femten personane ei aktuell og uttømmande liste over: Magnus Balchen, Marcus Grasto Nilsson, Jesper Saltvik Pedersen, Bernt Marius Rørstad, Ingrid Djupskås, Geir Arne Skogstad, Jostein Stordahl, Mia Larsen Sveberg, Ole Fredrik Syversen, Indira Liseth, Vilde Nilsen, Kjartan Haugen, Endre Lykken, Thomas Oxaal og Niklas Lohne-Hansen?

10. Eit av Noregs femten fylke har ein griff i fylkesvåpenet, som referanse til Bjarkøy-ætta. Kva fylke?

11. Ein griff er halvt ørn og halvt … kva?

12. Harpyørnen er blant verdas største rovfuglar. Han lever hovudsakleg i kva for eit land?

13. Alistair MacLean-romanen Where Eagles Dare (1967) kom som film året etter, med Richard Burton, Clint Eastwood og Mary Ure. Kva er den norske tittelen?

14. The Eagles er best kjend for kva song om eit hotell?

15. Strawberry har fleire hotellmerke, til dømes Quality. Eit av dei andre deler namn med ein type lys trompet brukt i mellomalderen og renessansen. Kva namn?

16. Er ordet trompet nemnt i Bibelen?

17. Me skal fram til ein populær sommarprydplante. Han har traktforma blomar i talrike fargevariantar og høver godt i ampel. Han er kjend under det latinske slektsnamnet sitt i søtvierfamilien.

18. Rachel Ruysch levde i den nederlandske gullalderen. Kva aktivitet knytt til blomar var ho ein meister i?

19. Kva dronning var Nederlands monark i det lange tidsrommet 1890–1948?

20. Kva matvare manglar her til dronning Maud-dessert, også kalla Haugesundsdessert: 6 desiliter kremfløyte, 5 eggeplommer, 5 matskeier sukker, 5 …, 3 dropar romessens og 100 gram mørk kokesjokolade?

21. Haraldshaugen i Haugesund er hevda å vere gravstaden til … kven?