Huisgenoot-nuusvasvra: week van 12 Junie 2017

Watter guns het min. Malusi Gigaba vroeër aan die Guptas bewys wat hom die afgelope week in die sop laat beland het?

Min. Nathi Mthethwa het gewonder of Suid-Afrika sy naam behoort te verander. Watter nuwe naam vir ons land is daarna deur politieke groepe as ’n moontlikheid genoem?

Wat is die naam van die woonstelgebou in Londen waarin minstens 79 mense in ’n brand omgekom het?

Watter ooreenkoms het Helen Zille en Mmusi Maimane ná haar gewraakte kolonialisme-twiets bereik?

Waarna het pres. Donald Trump verwys toe hy die afgelope week getwiet het dat hy die slagoffer van ’n “heksejag” is?

Wat is die naam van die leier van ons buurstaat Lesotho wat Vrydag ingesweer is?

Wat was die helder, wit bal wat mense in Gauteng, die Vrystaat en KwaZulu-Natal Donderdagoggend vroeg deur die lug sien trek het?

Watter Suid-Afrikaanse pa-en-seun-span speel in die komende Marvel-superheldfliek Black Panther, waarvan die eerste lokprent die afgelope week uitgereik is?

Elf lidmate wat die NG Kerk se 2016-besluit oor selfdegeslaghuwelike in die hof wil uitdaag, het die afgelope week hul aansoek ingedien. Watter oudredakteur van die Kerkbode is onder die vier applikante wat die lidmate verteenwoordig?

Wie het volgens ’n geheime video aan die middelman in ’n huurmoord gesê: “Dit het ontvoering geword en ’n moord pleks daarvan om dit net ’n roof buite die huis te maak.”

Die Discovery-kanaal gaan ’n swemwedstryd met ’n verskil reël: tussen die Olimpiese swemheld Michael Phelps en . . .

Wat is die bynaam van die sanger Anton Goosen, wat pas afgehaak het met sy vriendin van vele jare, Estie Geldenhuys?

Wat was die uitslag van die hofsaak waarin die Amerikaanse komediant Bill Cosby van seksuele aanranding beskuldig is?

Wat het prinses Diana NIE gesê nie op geheime bandopnames wat die afgelope week aan die lig gekom het?

Watter liedjie het die Amerikaanse National Music Publishers Association op sy eeufees as die Lied van die Eeu (1917-2017) aangewys?