Dag og Tid-quizen 2. juni 2023

1. Me startar i norsk idrett, listar opp åtte år og spør: Kva skjedde i 1923, 1925, 1972, 1976, 1982, 2004, 2022 og 20. mai 2023? Alle gongene unntatt i 2022 var på herresida.

2. Kva engelsk kongehus var Maria 1., «Bloody Mary», ein del av? Ho styrte frå 1553 til 1558.

3. Kva for eit brennevin er det i drinken bloody mary?

4. Kva for eit instrument har Arve Tellefsen spelt i over 70 år?

5. Valdres kan skilte med heile seks stavkyrkjer. Kva for ei av desse ligg der?

6. Kva for ei av desse behåstorleikene er størst?

7. Kva fysikar laga i 1800 eit tidleg batteri ved å stable metallplatepar oppå kvarandre? Innimellom kvart par la han pappstykke som var fukta i ei saltløysning.

8. Då Tina Turner døydde, var det fleire som heidra henne med kva for tre ord? Dei er frå refrenget i coverlåthiten hennar frå 1989. Dei to siste orda er dessutan tittelen på songen.

9. Tina Turner døydde ikkje som amerikanar, men sveitsar, i Küsnacht. Byen ligg i den mest folkerike kantonen i landet. Kva kanton?

10. Kva gjenstand fungerte som «turban» på den omstridde Muhammed-karikaturen til Kurt Westergaard?

11. Når levde Giovanni Boccaccio, forfattaren av Dekameronen?

12. Gaupa høyrer til kva familie av rovpattedyr?

13. Det er vanleg å dele dagens jødar inn etter opphav. Kva er omgrepet for dei som er etterkommarar av jødar i Mellom-Europa og Aust-Europa i mellomalderen?

14. Kva er den siste av dei fem kystbyane i hugseregelen «lille grimme Arne trenger ris»?

15. Kva er det personar med amaurose manglar heilt?

16. Mange nordmenn har nyleg sett USS «Gerald R. Ford», som vert rekna som verdas største krigsskip. Kva slags krigsskip er det?

17. Takashi Shimura og Toshiro Mifune samarbeidde båe tett med kva endå meir kjend japanar?

18. Kva for eit tal heiter tres på dansk?

19. Kva norsk biletkunstnar (f. 1951) er aktuell med utstillinga Hjertebank på Munchmuseet? Ho nyttar mange minne frå barndommen, som var prega av erfaringane til den særs kjende far hennar.

20. Kva kallar me 25 års bryllaupsdag?

21. Kva turnøving med eit dyrisk namn skjer på eit apparat som har to handtak på toppen?