Huisgenoot-nuusvasvra: 5-11 Februarie 2019

Wat is die naam van die akteur Armand Aucamp se kookprogram op die TV-stasie VIA?

In sy staatsrede het pres. Cyril Ramaphosa aangekondig dat ’n misdaadondersoekeenheid soortgelyk aan die ou . . . Heringestel gaan word.

In Amerika het pres. Donald Trump ook ’n staatsrede gehou. Watter kleur het 106 van die 116 vroulike Kongreslede by die geleentheid gedra?

Watter opspraakwekkende ontdekking is by die Plettenbergbaaise kus gedoen?

Om watter bekende Hollywoodster het ’n rasseherrie losgebars nadat hy onthul het dat hy in ’n stadium ’n swart man wou vermoor?

Vir watter Superrugbyspan speel Pieter-Steph du Toit, wat pas vir die tweede keer in drie jaar as Speler van die Jaar aangewys is?

Hoekom het Eskom se webtuiste Maandag vir ’n ruk in duie gestort?

Watter Suid-Afrikaners het die afgelope naweek hul derde Grammy losgeslaan?

Besonderhede oor Meghan Markle se gespanne verhouding met haar pa is anoniem en sonder paleismedewete deur . . . Aan die Amerikaanse tydskrif People uitgelap.

Aan watter seldsame toestand ly die sangeres Karlien van Jaarsveld se baba Elah, wat pas ’n operasie daarvoor ondergaan het?

Die SA ster Sjo Madjozi is opgeneem in die internasionale glanstydskrif Vogue se lys van 100 vroue om in 2019 dop te hou. As wat is sy veral bekend?

Die Amerikaanse deelstaat Hawaii oorweeg wetgewing wat die minimumouderdom vir verbruik van . . . tot 100 wil verhoog.

Merle Groenewald van Kaapstad is die eiser in ’n Britse hofsaak omdat haar linkeroog verblind is nadat . . .