Dag og Tid-quizen 12. september 2025

1. Er stortingspresidenten sjølv ein av dei 169 stortingsrepresentantane?

2. Kva er materialet i den japanske brettekunsten origami?

3. I ein klassisk revysketsj (1955) vert Kari Diesen driven til vanvit av bestillingane til Leif Juster, Ernst Diesen og Arve Opsahl. Kva slags butikk er åstaden?

4. Ein tarpon er ein type stor … kva?

5. Kven er mikkelsmesse, 29. september, til minne om?

6. Kva engelsk namn har luftakrobatikk med lange tøystykke, gjerne to som heng ned frå taket?

7. Kva farge har Freia-boksen med vaniljesukker, ikkje å forveksle med bakepulver?

8. Kva tittelfigur syng arien «L’amour est un oiseau rebelle», best kjend som «Habanera»?

9. Kva sportsklasse er Martinius Stenshorne frå Hokksund klar for frå sesongen 2026? Då er han berre eitt trinn unna den øvste, som ingen nordmann har vore i.

10. Det store selskapet Petrobras er, som namnet tilseier, brasiliansk og i kva bransje?

11. Kva slags hannfugl er kommunevåpenmotivet til Malvik i Trøndelag? Han symboliserer natur og naturopplevingar.

12. Kva forfattar frå New Zealand (1888–1923) er best kjend for noveller og var ein viktig fornyar av sjangeren? Berre tre samlingar kom ut medan ho levde: In a German Pension, Bliss and Other Stories og The Garden Party and Other Stories.

13. Eit våningshus er kva slags gardsbygning?

14. Kva rockeband frå New York (ca. 1975–1991), rekna til sjangeren new wave, hadde David Byrne som frontfigur?

15. Kva er den einaste naturlege satellitten til jorda?

16. Det Norske Teatret vart skipa i kva for eit partalsår? Pådrivarane Hulda og Arne Garborg fylte sjølv 50 og 61 dette året.

17. Kva heiter fyrstehuset som styrte Russland frå 1613 til revolusjonen i 1917?

18. Eit normalt blodtrykk vert omtala som til dømes «120 over 80». Kva er måleininga her? Referansen er den best kjende oppfinninga til Evangelista Torricelli, som levde på 1600-talet.

19. Kva sjølvstyrt amerikansk øygruppe har eit spansk namn som tyder «rik hamn»?

20. I kva stort motemagasin har sjefredaktør Anna Wintour sendt stafettpinnen vidare etter 37 år? Arvtakaren heiter Chloe Malle.

21. Kva vart i 2010 det første afrikanske arrangørlandet av fotball-VM for menn?