Nuusvasvra: week van 26 September

Watter nuus het die aktrise en aanbieder Eloise Cupido verlede week op sosiale media gedeel?

Die 16-jarige Kiara Nirghin van Gauteng is as die algehele wenner van Google se internasionale Science Fair aangewys. Wat is die doel van haar wenprojek?

Foto’s van ’n aansienlik swaarder Charlize Theron het verlede week in die media verskyn. Wat is waarskynlik die rede vir al die ekstra kilogramme?

Watter slegte nuus het die krieketspeler AB de Villiers verlede week gekry?

Watter Afrikaanse fliek is aangewys as Suid-Afrika se amptelike inskrywing vir aanstaande jaar se Oscars?

By watter universiteit is klasse verlede week nié opgeskort weens studentebetogings nie?

Watter dier is verlede week uit ’n park in Port Elizabeth gesteel en vrygelaat?

Wat het Hlaudi Motsoaneng onderneem om in sy nuwe pos by die SABC te doen?

Wat het Donald Trump gesê toe Hillary Clinton hom in verlede week se presidentsdebat daarvan beskuldig dat hy nie belasting betaal nie?

Verashni Pillay is aangewys as die eerste redakteur van die SA weergawe van die digitale publikasie The Huffington Post. Van watter koerant is sy tans hoofredakteur?

Watter wilde dier het sy status as ernstig bedreigde spesie by verlede week se Cites-konferensie verloor?

€�n 21-jarige konstruksiewerker is as die grootste ongeluksvoël in Australië bestempel nadat hy vir die tweede keer binne vyf maande deur ’n giftige spinnekop aan sy geslagsdele gebyt is terwyl hy op ’n draagbare toilet gesit het. Watter soort spinnekop het hom gebyt?

€�n Internasionale kuberkraakgroep maak al die afgelope weke vertroulike mediese inligting van internasionale atlete bekend. Verlede week het die SA swemmer Cameron van der Burgh aan die beurt gekom. Wat noem die kuberkraakgroep hulleself?

Die eerste baba ooit met drie ouers is gebore danksy ’n tegniek waarin die DNS van drie ouers gekombineer word – en so is voorkom dat die baba dodelike genetiese toestand Leigh-sindroom by sy ma erf. Wat het die skenker tot die omstrede tegniek bygedra?