ქუიზი მომზადებულია „სამოქალაქო საზოგადოების განვითარების ცენტრის“ ტრანზიტული საგნმანათლებლო პროგრამის ფარგლებში

ავტორი: ტრენერი -  ელზა ხუხუნაიშვილი

 თემა: „ბრაზის მართვა“

მრისხანება, შიში, მწუხარება - რა გავლენას ახდენს ჩვენზე?

ბრაზი თანდაყოლილი ემოციაა. ყველა ადამიანი ბრაზობს.  არ უნდა ვიფიქროთ, რომ გაბრაზება არასწორი და მიუღებელია, თუმცა ამავე დროს უნდა გვახსოვდეს, რომ თუ ბრაზის კონტროლს ვერ შევძლებთ შეიძლება გავხდეთ აგრესიულნი და შესაბამისად ზიანი მივაყენოთ სხვებს ან საკუთარ თავს. ბრაზი განსხვავდება აგრესიისგან იმით, რომ აგრესია არის ბრაზის არასასურველი შედეგი.

იმისთვის, რომ თავიდან ავიცილოთ ბრაზის უარყოფითი შედეგები, უნდა შევძლოთ, რომ  აღმოვაჩინოთ:

                                                               

• სიტუაციები, რომელიც ჩვენში იწვევს ბრაზის ემოციას;
• სხეულებრივი რეაქციები, რომელიც ახლავს ბრაზს;
• აზრები, რომელიც გვიჩნდება ხოლმე ბრაზის განცდამდე;
• ქცევები, რომელსაც ვახორციელებთ მაშინ როცა ვბრაზდებით;
• ბრაზის გამოხატვის დადებითი და უარყოფითი შედეგები;
• რა გვშველის ხოლმე ჩვენ გაბრაზებისას - როგორ ვიმშვიდებთ თავს;
• ახალი სტრატეგიები, გზები, რომლითაც შევძლებთ საკუთარი თავის კონტროლს;