CAN YOU SPOT AN INVESTMENT SCAM?

Magpapabiktima ka ba sa scammer?  I-test ang iyong kaalaman tungkol sa modus operandi ng investment scams.

Sagutan ang quiz na ito at i-share ang result sa ‘yong friends and followers.

 

---

Pinadalhan ka ng OFW mong Tita ng link tungkol sa Sige, INVESTmo! Kung saan siya nag-invest kamakailan lang. Nasa dog-breeding, buy and sell, clothing, at construction businesses umano ang Sige, INVESTmo. Pwede ka raw sumali sa businesses nila sa halagang P20,000; wala ka nang ibang gagawin kundi maghintay sa payout mo. Pagkatapos ng 6 months, sigurado raw na makakatanggap ka ng 48% o halos P30,000 na kita. Sabi ni Tita, makakauwi na raw siya sa wakas dahil sa investment niya, at lalo pang lalaki ang kita niya kung sasali ka rin. Ilalaban mo ba ang naipon mong P20,000 o babawi?

May bagong post ang dati mong high school classmate. Glow-up ang peg niya pero hindi physically kundi financially. Ngayon, pahiga-higa na lang si classmate sa P1,000 bills, pasandal-sandal sa sports car na naka-park somewhere, at pasuot-suot na lang ng dayamons kahit sa grocery. All thanks daw ito sa kanyang dollars mula sa MAG-TRADE, INC., na nagtetrade umano sa “forex” at cryptocurrency sa ibang bansa. Gustong-gusto mo na ring magkakotse at bagong bahay nung bigla ka niyang inayang mag-invest ng P10,000 at maghanap ng iba pang gustong maging #Blessed para kumita ng as much as P1 million in 3 months. Hanggang #SanaAll ka na lang ba o #Joiners ka na rin?

Inaya ka ng crush mong magkape. Nang magkasama na kayo, binanggit niyang nag-iinvest siya sa kompanyang GO EARN. Kailangan mo lang daw bumili ng starters package na nagkakahalagang P2,000. Pagkatapos nito, makakatanggap ka na mga produkto nila at 4% na passive income araw-araw, kahit di mo mabenta ang produkto. May dagdag bonus pa tuwing may bago kang marecruit. Kung sumali ka raw, mas magiging close na kayo dahil lagi na kayong magkikita. Will you fall for it?

Marami ngayon sa kababayan natin ang nawalan ng trabaho at mapagkakakitaan dahil kailangan munang isara ang mga kainan at iba pang negosyo para mapigilan ang pagkalat ng COVID-19. Dahil dito, nag-Facebook Live si Don Apo Daan at hinikayat ang followers niya na mag-send ng pera sa kanyang e-wallet. Dahil lahat naman apektado, nasa P50,000 lang ang naipong donasyon ni Don Apo Daan. Para makaipon ng mas malaking donasyon, nagpa-promo si Don Apo Daan: sa kada P5,000 na idodonate mo, may P1,000 kang matatanggap pabalik kada buwan, habang buhay. Nakatulong ka na, kumita ka pa daw. Pero ilang buwan na ang nakakalipas, wala pa rin ayuda mula kay Don Apo Daan. Magbibigay ka ba?

Nanghihikayat ang one person corporation (OPC) na MANTIKANG GINTO OPC ng co-ownership program sa publiko. Sa halagang P10,000 lamang, maaari ka na raw maging part owner ng mismong kompanya na nagpapatakbo umano ng gas stations sa bansa. Garantisado daw na dodoble ang P10,000 mo sa loob lamang ng 2 weeks dahil on demand nga naman talaga lagi ang gasolina. Hinanapan mo sila ng mga dokumento para masigurado mong legit ang ginagawa ng kompanya. Pero sabi nila, espesyal ang permit ng mga OPC dahil hindi na nila kailangang kumuha ng karagdagang lisensya mula sa SEC. True ba, Marites?

Nagbabalak kang magtayo ng sarili mong manukan. Pumunta ka sa KAAKIBAT POULTRY CHICKEN EGG PRODUCING CO. Para bumili sana ng papalakihing manok pero wala kang nakitang sisiw sa tindahan nila. Sabi nila, bayaran mo na lang daw ang halaga ng mga sisiw na bibilhin mo sana at sila na lang ang magpapalaki sa mga ito sa kanilang farm sa probinsya. Pagkatapos ng 45 days, bumalik ka na lang daw para kunin ang pinagbentahan ng sisiw na panigurado ay 5 beses na mas malaki kesa sa ibinayad mo. Matatawag mo bang investment ito?